पुणे -प्रतिनिधी
पुणे जिल्ह्यातील आंबेगाव खुर्द येथील लिपाणे वस्तीत (सदगुरु हॉस्पिटलमागे) पती व लहान मुलीला जीवे मारण्याच्या धमकी देऊन २३ वर्षीय विवाहित महिलेवर सामूहिक बलात्कार केल्याचा धक्कादायक प्रकार उघडकीस आला. पीडित महिलेच्या फिर्यादीवरून आंबेगाव पोलिसांनी गुरु दोडमणी (२५), मयुर (२६) आणि दीपक काटकर (२४) या तिघांविरुद्ध गुन्हा दाखल केला असून, आरोपी सध्या फरार आहेत.(Pune crime )
घटनाक्रम:
पीडित महिला पती व लहान मुलींसह आंबेगाव (ambegav police station ) परिसरात राहते. आठ महिन्यांपूर्वी आरोपी गुरु दोडमणी याने पती घरात नसताना महिलेच्या घरी भेट घेतली. पती व मुलीला जीवे मारण्याची धमकी देऊन त्याने तिच्यावर बलात्कार केला. घाबरलेल्या महिलेचे दु:ख ऐकण्याऐवजी दोडमणीने पुन्हा धमकावून दुसऱ्यांदा बलात्कार केला.
सामूहिक अत्याचार:
दोडमणीने मित्र मयुर व दीपक यांना ही बाब सांगितली. तिघे महिलेच्या घरी गेले आणि “तुझी बदनामी करू” अशी धमकी देत सामूहिक बलात्कार केला. सततच्या छळाला त्रस्त झालेली महिला अखेर आंबेगाव पोलिस ठाण्यात तक्रार दाखल करून आली.
पोलिस कारवाई:
सहायक पोलीस निरीक्षक भोजलिंग दोडमिसे यांच्या नेतृत्वाखाली तपास सुरू आहे. पीडितेची वैद्यकीय तपासणी, घटनास्थळाचा पंचनामा पूर्ण झाला. तिघा आरोपी फरार असल्याने लिपाणे वस्तीतील स्थानिकांकडून चौकशी सुरू असून, शोधपथके तैनात केली आहेत.
